Dili, Diretór-Jerál SEI, Sr. Armando da Costa akompaña husi Diretora Nasionál Relasaun Públika no Média, Sra. Maria Filomena Babo Martins, hamutuk ho Diretór DDSIA–TIC TIMOR I.P. Sr. Justo Fernandes hala’o ensera ba Formasaun ba Funsiunáriu/a Departamentu Média no Komunikasaun SEI kona-ba Operasionaliza Portal Web SEI nian iha Salaun Maria Goreti-SEI Caicoli.

Iha sesaun enseramentu, Diretór-Jerál SEI, Sr. Armando da Costa hato’o kongratulasaun ba formandos sira hotu, ne’ebé tuir ona formasaun ida ne’e ho kompletu no ita boot sira ema espesiál iha SEI ne’ebé mak hanesan formandos ba dahuluk ne’ebé hetan sertifikadu husi TIC TIMOR.

DG-SEI mós hatutan katak, Hakarak agradese mós ba Sr. Diretór ho ekipa, ba ekipa formadór sira ne’ebé lakarak atu fahe matenek, fahe kuñesimentu mai SEI, hodi bele operasionaliza SEI nia portal no bele fornese informasaun ida ne’ebé kredibel liu ba iha públiku tuir misaun instituisaun ida ne’e ninian, misaun ida ne’e iha mandatu boot ba promove igualdade inkluzaun iha Timor-Leste nune’e mós asegura partisipasaun, hakbi’it feto, labarik-feto, ema ho portadora defisiénsia, ema sira ne’ebé iha kontekstu vulneravel, no komunidade LGBTQI+, atu sira nia direitu hanesan sidadaun ida bele hakonu.

Portál ida ne’e importante tebes ba ita atu operasionaliza ho ninian formatu lubuk ida no informasaun lubuk ida ne’ebé ita sei atualiza no ita sei tenta, hanoin iha komitmentu husi SEI atu bele jere portal ida ne’e ho profesionál iha tempu ida agora, no iha tempu ida agora ne’e portál sei sai informasaun ida ba peskizadór sira, wainhira peskizadór sira atu mai husi akademiku, Organizasaun Sosiedade Sivil, no mai husi ne’ebé de’it, sira kuandu peskiza buat ruma iha Timor-Leste realsiona ho asuntu igualdade, asuntu jéneru uluk nanain sira atu buka informasaun ne’e sira sei ba uluk website sira, no iha ne’eba pelu menus dokumentus sira ne’ebé atu gia ema ne’e, ema hetan tiha ona, no ivitaona hodi bele minimiza ona buat ida ne’ebé ho naran ita copia liuhusi flas disk no haruka ba tuir email, no husi SEI tau laran ba TIC-TIMOR hodi tulun ami no instituisaun tomak estadu nian, hodi ita moderniza ho atualiza ita-nia institusaun no governu nia atendimentu ida ne’ebé tuir tempu agora halai liuba media online.

Iha sorin seluk, Diretór DDSIA–TIC TIMOR I.P. Sr. Justo Fernandes iha intervensaun hato’o agradese ohin ita remata ita-nia formasaun ba loron rua ninian ne’e lasiknifika TIC TIMOR nia apoiu mós sei ramata iha ne’e, TIC TIMOR nia apoiu sei kontinua nafatin, sei fó asistensia nafatin ba formandos sira, tanba sei estuda buat foun iha loron rua nia laran hanoin lasufisiente no iha buat barak ne’ebé iha Portal Web SEI nia laran mak ita boot sira atu atualiza ita boot sira nia website ba atividade sira ne’ebé ita boot sira hala’o no instituisaun ne’e hala’o nune’e públiku bele hatene saida mak SEI nia papél no responsabilidade iha Timor-Leste.

Sertifikadu ne’ebé ita ita boot sira simu, ida ne’e hanesan apresiasaun ida ba ita boot sira hotu ne’ebé mak partisipa ona formasaun durante loron rua nia laran, ho sertifikadu ida ne’e hein katak Portal ne’e bele atualiza TIC fó formasaun ba Instituisaun barak mós, dalaruma formasaun hotu tia, husi parte admin mós laatualiza sira nia portal ne’e rasik no atualiza fila fali ba iha pajina facebook instituisaun nian, ho ida ne’e ita ko’alia kona-ba sustenabilidade oinsa para informasaun sira ne’ebé maka SEI publika, ne’e mai duni husi fontes SEI ninian rasik, no wainhira ita fahe informasun husi SEI nia portal ida ne’e pertenente husi fontes sira ne’e konfiadu.

Iha sesaun ikus nian iha mós distribuisaun Sertifikadu Apresiasaun husi DG-SEI, Diretora DNRPM-SEI no Diretór DDSIA–TIC TIMOR I.P. ba fomandos sira hotu husi SEI ne‘ebé mk partisipa ona formasaun refere durante loron rua to ramata.

#Média-SEI#